Plantun de Prouvènço

Pèr coumpara dos planto d'encò nostre

Veratrum album & Chamorchis alpina

Varaire

Veratrum album

Melanthiaceae

Àutri noum : Veraire, Avarai, Avaraire, Petaire.

Noms en français : Vératre blanc, Hellébore blanc.

Descripcioun :
Lou varaire trachis dins li pesquié e li melounié de mountagno. Es uno grando erbo, forto, emé de gràndi fueio alterno senso pecou. L'enflourejado en grapo sarrado èi coumpausado de flour blanquinouso mens o mai verdo, emé la baso di tepalo pu sourno. Se sias un "gencianaire", avisas vous de lou pas counfoundre emé la genciano que li fueio se sèmblon proun.

Usanço :
Lou varaire es uno planto mourtalo de la racino i grano. Parié qu'Alessandre-lou-Grand fuguè empouisouna em'acò. Paraliso l'esistème nervous, aro se n'en servon soulamen en oumeoupatìo. Emé li racino s'adoubo uno poutingo bono contro li niero o àutri bestiouno.

Port : Grando erbo
Taio : 50 à 200 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Veratrum
Famiho : Melanthiaceae

Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :
Juliet à avoust

Liò : Pesquié - Bos clar - Melounié
Estànci : Mountagnard à Aupen
Couroulougi : Éurasiatico
Ref. sc. : Veratrum album L., 1753

Gau(-dis-Aup)

Chamorchis alpina

Orchidaceae

Nom en français : Orchis des Alpes.

Descripcioun :
Aquéu gau dóu gènre Chamorchis, trachis dins li pelouso de mountagno sus cauquié. Es uno pichoto planto en mato emé de lòngui fueio que parton de la baso e de flour, sènso esperoun, verdasso en espigo laco. Li tepalo formon un casco courtet e la labreto redouno penjo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 10 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Chamorchis
Famiho : Orchidaceae

Ordre : Aspargales

Coulour de la flour : Roso
Petalo : irreguliero
Ø (o loungour) flour : 2 à 3 mm
Flourido : Estiéu

Sòu : Ca
Autour basso e auto : 1800 à 2600 m
Aparado : Noun
Juliet à avoust

Liò : Pelouso - Pelouso ventouso
Estànci : Subaupen à Aupen
Couroulougi : Artico-Aupenco-Éuroupenco
Ref. sc. : Chamorchis alpina (L.) Rich., 1817

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Veratrum album & Chamorchis alpina

ges

Coumpara Varaire emé uno autro planto

Coumpara Gau(-dis-Aup) emé uno autro planto